暫為回暖

Posted on

20086502925743_2

真的回暖起來、姑勿論短暫與否都令人有種感覺釋然。嚴寒得要命,上個星期用黎形容天氣、股市都太適合,真係有無搞錯 … 駛唔駛咁凍 !@#$%^&*

方 sir 寫左篇《2016馬拉松與股市》,其實真係可以考慮再寫篇《2016冬天上山與股市》(講笑),人好奇怪,常常高估自己能力,咁o既天氣上到山,後悔起上黎真係止蝕都無得你止蝕,直接被困山上等救或等死 … 諗諗下個情況就好似熊市入面謬謬然衝入去撈貨、買 call 咁,原理自己可以再諗諗 …

講番股市呢面,恒指於《股壇練兵訣》一書記載之轉勢日範圍內一度急挫至 18,500 點附近低位,及至上星期五 ( 22 號) 最後一天轉勢日範圍中大幅回升 ! 到左今個禮拜 19,000 附近反覆上落 ( 我認為頗受 A 股拖累,期內上證下挫達 12% ),最終又係星期五盡借 A 股、日經、油價之勢全線回暖,並有機會展開熊市大挾淡倉之旅 !

根據方新俠《火燒連環船公式》,大中細價股、各版塊均有機會接力式炒上。

暫時濠賭股、油股、一帶一路股份已搶先火燒多日,而星期五當日各路版塊亦有整裝待發之勢,各位可以好好尋寶,順利的話取幾成回報亦不難 !

當然亦準備左幾隻股票俾大家參考,主要從業務及火燒性入手,正正係大中細股各一 !

 

友邦保險 01299.HK 

此股我認為於港股市場中除騰訊控股 00700.HK 外最優質之大型股份,業務之優越性及增長能見度極高。另外亦為恒生指數之重磅成份股,現時價位算稍為落後,有望接力挾升指數。

 

凱升控股 00102.HK

發展位於俄羅斯聯邦濱海地區綜合娛樂區之博彩及度假村項目。濱海博彩項目之第一期綜合度假村項目「TIGRE DE CRISTAL 水晶虎宮殿」於上年 11 月正式開幕。
最近股價好似有點跌過龍,但有雙重火燒元素,濠賭股已爆升(以往股價頗跟隨濠賭股),油價都係爆升(由於業務身處俄羅斯,而油價對俄羅斯經濟影響極大)。有得諗諗。

 

比高集團 08220.HK

影業股,行業如日中天,長期有火燒性。唔知大家知唔知呢間野老闆係星爺(周星馳) ? 星爺之前執導套《西游 · 降魔篇》2014 年賀歲檔上映時起內地攞到成 12 億元票房,今年執導套《美人魚》都係賀歲檔上,即係下個下個星期一 (年初一),睇下股價有無東風借 !

 

*** 幾隻股都係技術根源初部回升中,但大家記住,全部短期火燒,建基於成組大市反彈浪,留意住走位同唔對路就止蝕 !

 

免責聲明:《時光神偷》竭力提供準確而可靠的資訊,惟不保證絕對無誤,資訊如有錯漏而令閣下蒙受損失,本團隊概不負責。同時,《時光神偷》所提供之投資分析技巧與建議,只可作為參考之用,並不構成要約、招攬、邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關建議招致損失,概與《時光神偷》團隊無關。

留言已關閉。