《無產到買樓! 上篇》

Posted on

Q. 俠爺,我係你FANS之一,小弟今年已經快32歲,因為買唔起樓,終於係情人節之前俾拍拖四年嘅女朋友飛左,小弟實在悲痛莫名,小弟一直打份牛工,年收入32萬,無儲蓄,無物業,交完租、俾埋家用,開支每月大約2萬,一年死慳死抵都剩係儲到10萬度,彷間好多講座我都聽過,但好多都係做唔到,無意間睇左你「BIG BOY CLUB」的專訪,之後書局睇左你本大作《股壇練兵訣》,再聽埋你101的講座,實在獲益良多,自覺自己今年已經32歲,踏入中年,實在非常失敗,睇番咁多篇文章,有意無意間都會聽到俠爺你話自己老,自己更覺得失敗,睇怕都係無咩出路,虛心求教俠爺,可唔可以俾些少意見,我想每年儲多少少錢,可以一兩年買到樓,求解答。

A. 首先,下稱32歲年青人為「小弟」無儲蓄,接近月光族,其實香港為數不少,幸好為時未晚,同女友分開可能某程度上令你現金流及未來的流動性現金增加,可能是美事一樁。

⋯⋯

*今日人地睇你唔起,他日就要人高攀唔起!

另外,「小弟」上咁多彷間的投資講座都搞唔掂,一上101就話已經獲益良多,好有可能係你上嘅堂無料到,或者「小弟」自己根本聽唔明人地講咩,但係101你就明,所以客觀事實大概屬於前者居多,香港置業問題,可以多聽中原地產主席施永青意見,睇完自己岩唔岩使就另一回事。

32萬除12,剩係每月收入$26,666,當你$26,600,剩番個$66食多餐麥記分享盒,但$26,600糧,每月支出左$20,000,即係儲得$6,600,首先在下唔知你家用同自己點使到2萬蚊,單計你可用現金為$6,600,要兩年內上車買樓有好似Mission Impossible?! 其實在下一眼落去,問題好易解決。

假設現金流維持不變,兩年儲蓄:$6,600 X 24=$158,400

首先「小弟」情況係基本上係咩都無,無資產、無儲蓄,唯一剩番份工,儲到首期都未必供得起樓,分分鍾變負現金流,萬一樓市爆破仲好大機會一條龍式變埋負資產。筆者有三大核心課程,一係炒股(3-6系),二係炒市(S系),三係致富(1系),據「小弟」形容打牛工的陳述,一份睇唔到市嘅工種,應該需要一個收息方案,但唔使諗收息,六千幾蚊餘額,買一手匯控都唔夠,亦唔使諗炒市增加收入,因為你唔貼市,一時三刻難對市場有一定認識,炒市亦好有可能因工作關係平唔到倉,睇唔到市,仲得不償失,除非你係想對市場同投資產品有更多認識,為備戰未來,咁S系課程的炒市先叫對你有幫助,否則只能從股票及1系(101,102)及(3,4系)中獲得啓發。

一眼望落去,把一把脈,借貸力:$26,600/10,000*0.5*2.59=3.44mil

依個個案有些特別之處,因為涉及感情糾紛,所以置業係必需,因為首先要解決心理問題,上會買樓兩年係可以做到,條數計一計,無咩風險可言。

344萬借貸力,香港現時都有細價樓做到依個價,問題就在於增加現金流以備未來供樓之用及首期的問題…….

已打近千字,下篇再續。


首先月薪$26,600依個數,足唔足以俾女飛,唔係在下探討的問題,據香港官方統計香港人入息中位數約$12,400,咁佢係中位數的雙倍,但問題在於理財及投資影響至今還未置業。

另一個問題是置業又是否必需呢? 又該在什麼時候置業呢?

留言已關閉。