《無產到買樓! 中篇》

Posted on

「小弟」一直屬於月月清的月光族,無儲蓄,即係優點係從未置業,仲有一次9成上會的機會,目標兩年內置業,換句說話,9成上會係一個先天性優點,上回計過一個人「小弟」有成344萬「借貸力」,香港現時平均細價樓中位數大約330萬,剩係一成首期都要33萬,上回說到「小弟」兩年儲蓄:只有$158,400,即係一半都唔到,即係其實兩年要買到樓,確實咁想上到車,倒不如早啲訓……正常情況。

上年在下也提到,預計今年房地產下調,2016下半年細價樓有更大的下跌空間,現況已漸漸出現跌勢,若樓市再跌10%,「小弟」就俾少三皮野,唔好睇少依三皮野,依個案三皮野係要儲五個月($6,600×5=$33,000)!

⋯⋯

實際計一計,以一間330萬的單位,按款額300萬,2.15%年利率,30年,供款額為每$11,315,「小弟」接近用盡借貸力最終都會上到車,威番次俾前度睇,但就即刻華麗轉身,變成「負現金流」,所以其實理財及投資需要及早佈處,諗太多,諗下諗下,就真係得個諗樣,到時人去樓空。

「小弟」咁嘅情況,要需要解決幾個問題:

第一點:首期
第二點:每月供樓的開支

首先在下絕對要嚴重聲明,在下唔係「神」,嚴格上只係軍師,為大家算出整個ROAD MAP供於參考,了解自身情況,及早佈處連串計劃,如何投資,是閣下自身的決定。今時今日,只懂得盲目工作,不懂財技,又無計劃,只會浪費美好的時光,等待財富眨值,在下的「財技4系」何止講股票咁簡單,富人與窮人說來說去就是運作財技的高低,財技先放「4系」的課程再探索。

「小弟」32歲仔,都有$26,666人工,確實都叫收入唔錯,都有網友留言話咁都俾女飛?!

首先人類的感情問題,在下無能為力,鍾意可以去書局或者電子書訂本Lyra Chan《修煉愛情》望下,人類思想太過複雜,最安全都係留係股壇之內。

「小弟」優點係未婚,無負債,未買過樓,咁最多都只係由零做起,但有一問好大的問題,就係$26,666儲得$6,666唔係揮霍無道,都九成理財有問題,剩番一成就可能真係非常孝順,有七成幾人工都俾哂家用,但點俾得精明,都有數得計,理財之道在(102講座)中再詳細探討,當然這個個案好有可能幕後黑手係「小弟」的前度,但前度己自行了斷,咁相關問題亦得已解決,如果係單純為自身問題,一係就進攻型買股票增加收入,今時今日飲杯奶都有風險,德國股神 André Kostolany 講得好正確「無產必需投機」。

如果一出糧,咩都唔識,純吃喝玩樂咁都上到車買到樓,實在有違天意,在下正在助紂為弱、改天換命,「社會平等」取決於付出的人收取應得的合理回報,唔係代表人人一樣,香港並唔係行「馬克思主義」。

股票係進攻形資產,要買股收息唔係唔得,但就大材小用,要買都買「價息雙收」的股票,102的《奇兵股》也屬其中一類,並唔係見匯控有7.72%息收就全部現錢扔哂落去,賺息蝕價。

房產的最大優勢係槓桿的借貸力……

已打近千字,下篇再續…..

留言已關閉。