《無產到買樓! 下篇》

Posted on

上回說到,房產的最大優勢係槓桿的「借貸力」,「小弟」攞住$26,600糧一個月,買330萬樓,按9成,1成首期,條件完全無問題,但現金流上出現一些技術性問題,需要解決,當中細節在「102講座」再詳談。

此個案最大問題係$26,600糧,但只儲得$6,600,如果支出是不能減少,防守型造法只可以慳埋慳埋,儲多幾年錢,或者番多份PART TIME增加收入,最為實際以「等價交換」方式時間換金錢,這種做法係一個勤力、上進,年青有為的典型原始人默默耕云樣版,但從數字上,這並不是長遠辦法,儲4年錢,$6,600x12x4=$316,800,現年33歲的「小弟」,去到37歲終於儲到首期……自以為,現在330萬的樓價,四年後可能已大有變化。

⋯⋯

兵貴神速,要兩年時間說不上改天換命,也要漸入佳境,現況是需要一個清晰路線圖。

房地產最重要係善用高「借貸力」的特質,唔善用「借貸力」倒不如炒股票,還有機會一步登天,其實年青人係最有本錢,先投資股票、期指/期權,累積彈藥,繼以買樓上車,前後都係幾十萬嘅事,因為本身就無產,只要唔借貸,無孖展就無咩好輸,讀者當然應先了解股票是什麼回事,有什麼風險,當中有咩技巧同分析方法,唔係盲舂舂亂買。

「小弟」本金細,這是散戶優勢,轉身快,俾些少耐性,只默默造低風險股票,一年資本增值20-50%,無太大難度,例如《財技4系》的「全購股」已經可以造到接近保本投資的特質,股票絕對可以成為致富的良好基礎,強如世界級首富巴菲特都係股票致富。

加上現時大多股票從高位下跌一半,超賣的股票多的是,大藍籌匯豐控股 00005.HK從$78.25跌至近期的$47.80,香港交易所 00388.HK $311.4跌至$160.1,隨便兩隻耳熟能詳的龍頭股分別都跌咗了38.9%及48.5%,在值博率上面係同細價股成反比,一隻財技股絕對有機會跌一半,但回報卻係以數倍升幅計,應該無人買匯控係諗住佢識升幾倍,所以客觀事實已經表明投資股票無可能只為收息,市場上價息雙收的股票當然唔會係5號仔。

正正常常「小弟」儲4年錢先有首期 ($6,600×48=$316,800),再九成上會。基本上頭半年「小弟」唔想死儲錢就要增加理財及投資相關知識。因為無儲蓄即係直債、槓杆保險等等收息方案都不能大派用場,無現金、無資產,但有份工都仲可以借助中長線價息雙收的股票、全購股/期權依類入門門檻的投資產品增加本金,踏上置業之路。

講咁多,坐言起行,下一篇《無產到買樓! 最終篇》待續……

留言已關閉。